157
Ресейдің Петухово қаласынан Петропавлға бағыт алған жолаушылар электр пойызынан өрт шықты. Вагондарда болған жолаушылар зардап шеккен жоқ. «Бүгін Солтүстік Қазақстан облысының Қызылжар ауданындағы Кондратовка станциясында Петухово – Петропавл бағытындағы жолаушылар электр пойызының астынан түтін шықты. Пойызда 35 адам болды, дер кезіндегі іс-шараның арқасында түтін вагондарға таралмады. Өрттің себебі – вагондардың біріндегі доңғалақ қозғалтқышының жануы»,- делінген Төтенше жағдайлар министрлігінің баспасөз қызметі таратқан хабарламада.
Ведомствоның мәліметінше, адамдарды эвакуациялауға қажеттілік тумады. Қозғалтқыш бірден салқындатылған.
QYZYLJAR NEWS
