Полицейлердің күнделікті жұмысында мемлекеттік тілде құжаттар дайындалады. Құжаттармен жұмыс істеген кезде бірізділікті сақтау мақсатында «Полиция департаменті қызметкерлеріне арналған көмекші құрал» әзірленді.
Оны облыстық полиция департаментінің ақпараттық саясат бөлімінің ұжымы дайындаған. Үш айлық еңбектің нәтижесінде 80 беттен құралған кітапшада мемлекеттік тілде дайындалатын құжаттардың үлгілері, әр бөлініске қатысты терминдер сөздігі, тілдесу кезінде жиі қолданылатын жұмысқа қатысты көмекші сөздер мен сөз тіркестері жинақталды.
Екі жүзге жуық брошюра облыстық полицияның барлық бөліністеріне үлестірілді, сондай-ақ электронды көшірмелері жіберілді. Бұрын осыған ұқсас әдістемелік ұсыным 2016 жылы дайындалған болатын. Содан бері құжат түрлері жаңартылып, терминология нақтыланды.
Облыстық полиция департаментінің баспасөз қызметі.
