Облыс аумағында биылғы екі айда 99 адамды ит қапса, соның 52 пайызында тұрғындарды қаңғырған иттер талаған. Облыстық санитариялық-эпидемиологиялық бақылау департаменті баспасөз қызметінің мәліметінше, биыл 158 адам антирабиялық көмекке жүгінген, бұл өткен жылдың ұқсас кезеңімен салыстырғанда 3,6 пайызға төмен.
Иесіз иттердің көбеюіне байланысты облыстың бірқатар аудандарында ит қауып, медициналық көмекке жүгінген тұрғындар саны артқан. Мәселен Ақжар ауданында 6 адам зардап шеккен, Қызылжар ауданында осындай 14 жағдай тіркелген. Петропавлда жәбірленушілер саны 14-ке артып, 89 адам медициналық көмекке жүгінген.
Зардап шеккендердің 99-ын ит қапқан, бұл барлық оқиғалардың 62,6 пайызы, 49 жағдайда адамдарды мысық тырнап, таласа, 10 адамға тышқан-егеуқұйрықтар, тиіндер шапқан.
Антирабиялық көмекке жүгінудің барлық жағдайлары бойынша эпизоотологиялық-эпидемиологиялық тергеу жүргізілді. Медициналық көмекке жүгінгендердің барлығына – 158 адамға вакцина тағайындалды. Оның ішінде антирабиялық вакцина – 83 адамға, иммуноглобулин және антирабиялық вакцина – 75 зардап шегушіге егілді. Жануарлар қауып-талаған адамдардың 38 пайызы ауыл тұрғыны.
Ақерке ДӘУРЕНБЕКҚЫЗЫ.
