Петропавл қаласының тұрғындары мен қонақтары үшін туристік экскурсиялар ұйымдастырылады. Бұл бастама туризмді дамытуға, өңірдің тарихи және мәдени көрікті жерлеріне назар аударуға ықпал етпек.
Облыстық туризм қауымдастығының төрағасы Владимир Витченконың айтуынша мұндай шаралар апта сайын 3 тілде білікті 12 гид-экскурсоводтардың жетекшілігімен өтеді. Мамандар арнайы дайындалған.
Экскурсиялар Н.Погодин атындағы облыстық орыс драма театры алаңынан басталып, Конституция көшесі, Ботай мәдениеті, облыстық тарихи-өлкетану музейінде ұйымдастырылмақ. Экскурсияның ұзақтығы шамамен 1,5 сағат. Құны – 1500 теңге. Сондай-ақ, қасиетті, діни орындарға, Имантау-Шалқар курорттық аймағына және басқа да туристік нысандарға бару жоспарланып отыр. Бұл сұраныс тұрғындар мен қонақтардың қызығушылығына байланысты болмақ.
QYZYLJAR NEWS
