386
Солтүстік Қазақстан облысында жұмыссыздар азайды. Ұлттық статистика бюросының мамандары осындай ақпарат таратты, деп хабарлайды Qyzyljarnews.kz тілшісі.
Атап өтсек, аққайыңдар өлкесінде экономиканың түрлі саласында 286,6 мың адам еңбек етеді. Бұл халықтың 66,7 пайызын құрайды. Қызметтегі солтүстікқазақстандықтардың 51,7 проценті – ер адамдар.
Өткен жылдың 4-тоқсанында жалдамалы жұмысшылардың саны 75 пайызды құрады. Ал жұмыспен қамтылған жандардың 25 проценті — жеке іспен айналысатындар. Жалпы, облыста жұмыссыздық деңгейі — 4,8 пайыз. Оның ішінде еңбек етпейтін ер азаматтардың саны 48,6 процентті құрап отыр.
