Қазақстан Республикасының Қаржы министрлігі жеке тұлғалардың банк шоттарында жасалатын операциялары қай жағдайда кәсіптен түскен кіріс ретінде бағалатыны туралы жоба дайындады, деп хабарлайды Qyzyljarnews.kz тілшісі.
Банк шоттарына мобильді аударымдар арқылы табыс түсетін кәсіпкерлерді төмендегі критерий бойынша анықтау көзделген:
Жеке тұлғалардың банк шотына 3 ай ішінде 100 және одан да көп әртүрлі адамнан қаражат түссе онда бұл кәсіпкерліктен табыс табу болып саналады.
Салық кодексі аясында 2025 жылға дейін екінші деңгелі банктер мемлекеттік кіріс органдарына жеке тұлғалардың санаттары бойынша кезең-кезеңмен ақпарат береді.
Қаржы министрлігі банктердің осындай операциялар туралы мәліметтерді ұсыну мерзімдерін де бекітуді жоспарлап отыр. Банктер мен қаржы ұйымдары сұратуды алған күннен бастап белгілі бір мерзім ішінде мәліметтерді Мемлекеттік кірістер комитетіне «MicrosoftExcel» форматында электронды пошта арқылы жібереді.
Еске сала кетейік, осыған дейін елімізде «мобильді төлемдер» ұғымы енгізілген болатын, кәсіпкерлерге кәсіптен түсетін ақша мен жеке түсімдерді бөлу міндеті жүктелді.
