Бұл ақпарат Қазақстан Республикасы Премьер-Министрінің ресми сайтында жарияланған. Ұлттық банк бюджет қаражаты есебінен жеке тұлғалардың депозитеттері бойынша сыйақы беруді көздейтін «Теңгедегі салымдарды қорғау» бағдарламасын іске асырады, деп хабарлайды Qyzyljarnews.kz тілшісі.
Бағдарламаға 2022 жылдың 23-ақпанына дейінгі салымдарға кепілдік беру жүйесіне қатысушы – бір немесе бірнеше екінші деңгейдегі банкте және «Отбасы банкінде» ашылған жеке тұлғалардың теңгедегі салымдары қатыса алады. Бағдарламаның ағымдағы және карточкалық шоттарға, сондай-ақ талап етілгенге дейінгі депозиттерге және шартты депозиттерге қатысы жоқ.
Қаржы нарықтарындағы геосаяси тәуекелдер мен құбылмалылықтың өсуіне байланысты қаржы нарығының тұрақтылығын қамтамасыз ету және теңгедегі депозиттердің тартымдылығын қолдау үшін Қазақстан Республикасының Ұлттық Банкі Үкіметпен бірлесіп, бюджет қаражатының есебінен жеке тұлғалардың депозиттері бойынша 10 пайыздық сыйақы есептеуді көздейтін теңгедегі салымдарды қорғау бағдарламасын іске асыратын болады,-деп жазылған хабарламада.
