Өңірдің «сары» аймаққа өтуіне байланысты СҚО бас санитар дәрігерінің жаңа қаулысы шықты, деп хабарлайды Qyzyljarnews.kz тілшісі.
Құжатқа сәйкес «Ashyq» жүйесіне қатысушылар үшін төменде көрсетілген шектеу шаралары алынды:
— Енді «көк» статусы бар адамдардың қоғамдық орындарға кіруіне болады. Егер де облыс «қызыл» зонаға ауысатын болса, онда нейтралды түс көрсететін келушілер толымдығы 70%-ға дейінгі мекемелерге баруларына рұқсат.
-Коронавируспен ауырған жандармен байланыста болғандар, бойларында ауру белгілері болмаса бұрынғыдай оқшауланып, карантинге жабылмайды.
-Сонымен қатар, америкалық «Рfizer» екпесін алатын тұрғындардың тізімі кеңейтілді. Енді мүмкіндігі шектеулі жандар, вакцинаның алғашқы дозасын шетелде алғандар мен 50 жастан асқан солтүстікқазақстандар шетелдік препаратты қойғыза алады.
-Білім беру мекемелеріне еріп кіретін адамдарға қатысты «жасыл» не «сары» статусты шектеуі алынды.
Соңғы 2 апта ішінде облыс аумағында COVID-19-ды жұқтыру көрсеткіші 3 есеге төмендеді.
