Петропавл 2-Жылу электр орталығы тұрғындарды электр энергиясымен қамтамасыз ете алатынын дәлелдеді, деп хабарлайды Qyzyljarnews.kz тілшісі.
Қуаттылықты тексеру жұмыстары ақпанның 16-сы мен 18-і аралығында өтті. Станция электр жүктемелерінің жиынтығын белгіленген жылдамдықпен максималды мүмкін параметрлерге дейін орындады, оны белгіленген уақытта ұстап тұрды, кейін қайтадан кері түсірді.
-Жасалған бұл тексерістер Жылу электр орталығының максималды қуатын тексеріп, апат болған кезде кәсіпорынның жылдам қимылдай алатынын бақылауға мүмкіндік береді. Жалпы, 7 турбоагрегатты сынамадан өткіздік. Оның барлығы берілген міндеттерді ойдағыдай атқарып шықты,-деді Петропавл 2-ЖЭО-ның бас инженері Сергей Торохтий.
Аттестау барысында техниканың сапасы ғана емес, қызметкерлердің жұмысы да тексерілді. Компания мұндай жұмыс барлық құрылғыларды қамтып, өзара ұжымдасуды талап ететінін атап өтті.
