Тұлғалардың есімі берілетін болды

Солтүстік Қазақстан облысы әкімінің орынбасары Ғани Нығыметовтың төрағалығымен облыстық ономастикалық комиссияның отырысы өтті, деп хабарлайды  Qyzyljarnews.kz тілшісі

Комиссия Жамбыл аудандық кітапханалар желісіне Сафуан Шаймерденовтің, Шал ақын ауданының орталығы Сергеевка қаласындағы қазақ  орта мектебіне  Кәкімбек Салықовтың, Қызылжар ауданындағы Новоникольск ауылындағы орта мектепке Геннадий Зенченконың есімін беру туралы ұсыныстарды  мақұлдады.  Бұған қоса облыс ауылдарындағы  бірқатар елді мекендердегі идеологиялық тұрғыдан ескірген   33 көшенің атауын  өзгерту туралы да шешім қабылданды.