Облыстық қылмыстық-атқару жүйесі департаментінің қызметкерлері түзету мекемесінде сұлулық байқауын ұйымдастырды. Бұл жолы қазылар алқасы сотталғандардың ішінен томпыш аруды іріктеп алды, деп хабарлайды Qyzyljarnews.kz тілшісі.
Байқау бірнеше кезеңнен тұрды. Оған қатысушылар өздері тіккен киімдерін киіп, дефиле көрсетті. Сондай-ақ, интеллектуалды ойындарға қатысып, шығармашылық өнерлерін ортаға салды. Соңында нәзікжандылар тәтті жеуден сынға түсті.
Бірінші орынды Олеся Смольникова иеленді, ол «Мисс Пампушка» атағына ие болды.
-Сайыстан ерекше әсер алдым. Шынымды айтсам, жеңемін деп ойлаған да жоқпын. Бүгін көрермендердің қошеметін сезіндім. Келушілер барынша қолдап, қол шапалақтап, бірге билеп отырды,-деді Олеся Смольникова.
Департамент өкілдері бұл шараның сотталғандардың бойында адамгершілік қасиеттерді қалыптастыру мақсатында ұйымдастырылғанын және 8-наурыз Халықаралық әйелдер күніне арналғанын айтты.
