Шаршы метрі 160 теңге: қалалық әкімдікте мемлекеттік бағдарлама аясында пәтерді қаншаға сатып алуға болатыны айтылды

Петропавл қаласы әкімдігінің мәліметіне сүйенсек, үстіміздегі жылы 738 тұрғын үй ипотекаға беріледі. Көпбалалы және толыққанды емес отбасылар, сондай-ақ, мүмкіндігі шектеулі балаларды тәрбиелеп отырған жандар «Бақытты отбасы» бағдарламасы аясында баспаналы бола алады. Алғашқы жарна 10%-ды құрайды, жылдық мөлшерлеме — 2 %, несие 20 жылға беріледі, деп хабарлайды Qyzyljarnews.kz тілшісі.

Ал қалған тұрғындар «5-20-25» бағдарламасымен үй ала алады.

-Көрсетілген бағдарламаларға сәйкес 1 шаршы метрдің бағасы 160 мың теңгені құрайды. Осылайша, бір бөлмелі пәтердің бағасы 5,7 миллион теңге болса, 2 бөлме үшін – 8 миллион, ал үш бөлмелі үй 11 миллион теңге тұрады,-деді әкімдік өкілдері.