Ақпанның 28-і мен наурыздың 6-сы аралығында облыстық тарихи-өлкетану музейінде «Көңілді Масленица» мерекесі аталып өтуде, деп хабарлайды Qyzyljarnews.kz тілшісі.
Масленица — бүгінгі күнге дейін сақталып қалған шығыс славян мерекесі. Оның атауы Орыс жылнамаларында XVI ғасырдан бастап кездеседі. Тарихқа көз жүгіртсек, дәл осы аптада православ дәстүрі бойынша адамдар еттен жасалған тағамдардан тиылады. Ал сүт өнімдерін пайдалануға рұқсат. Сол себепті масленица атанып кеткен.
Масленицаның символы көптен күткен күнді бейнелейтін дөңгелек, алтын түсті, ыстық құймақ. Аталмыш мейрам қысты шығарып салу мақсатында тойланады.
Жалпы, музейде бұл мереке жыл сайын дәстүрлі түрде өткізіліп келеді. Биылғы іс-шарада қаламыздың оқушыларына арнап ойындар мен түрлі қызықты сайыстар өткізілді.
