471
Солтүстікқазақстандық Александр Герлиц Қытайда өтіп жатқан паралимпиаданың шаңғы жарысында бесінші орынға табан тіреді, деп хабарлайды Qyzyljarnews.kz тілшісі.
Ерлер арасындағы шаңғы жарысында бірінші орынға франциялық Бенджамин Давиет, екінші орынға германиялық Марко Майер, үшінші орынға украиналық Григорий Вовчинский жайғасты. Александр Герлиц мәре сызығын бесінші болып қиды. Ол жарыс жеңімпазынан 5,5 секундқа кеш келді.
Естеріңізге сала кетейік, кеше жерлесіміз Қазақстан қоржынына алғашқы қола медальды салған болатын.
