Солтүстік Қазақстанда азық-түлік қымбаттады

Жыл басынан бері облыста ұн, жарма мен макарон өнімдерінің құны шарықтап кетті, деп хабарлайды Qyzyljarnews.kz тілшісі.

Үстіміздегі жылдың 2 айы ішінде жарма – 6,4 %-ға, ұн – 4,9%-ға, макарон – 2,8%-ға, сондай-ақ, сүт өнімдері 2,4%-ға қымбаттады. Ал балық пен теңіз өнімдерінің құны 1,6% өсті.

Көкөніс болса, тіпті 13,5%-ға қымбаттады. Жұмыртқа болса, керісінше, 4,7% арзандады.
Бұдан бөлек, облыста автокөліктердің құны 4,7%-ға өскен.
Сондай-ақ, аяқ-киімдерді жөндеу мен жалға беру қызметінің бағасы 14,9%-ға, тұрмыстық техниканы жөндеу 9,9%-ға қымбаттады.

Почта, заң қызметтері сәйкесінше 8,7 және 5%-ға өскенін де атап өту қажет.