493
Солтүстік Қазақстан облысында кәмелетке толмаған қызды зорлаған 5 жігітке сот үкімі шықты, деп хабарлайды Qyzyljarnews.kz тілшісі.
СҚО қылмыстық істер жөніндегі мамандандырылған ауданаралық сотының мәліметінше, былтыр 11 маусымда Петропавлдағы демалыс орындарының бірінде 5 жігіт кәмелетке толмаған қызды зорлаған. Соттың үкімімен 4-еуіне 10-нан 16 жылға дейін бас бостандығынан айыру жазасы кесілді. Ал кәмелетке толмаған 1-еуіне 10 жыл берілді.
Сондай-ақ олар өмір бойы педагогикалық лауазымдарды және кәмелетке толмағандармен жұмыс істеуге байланысты қызметтерді атқару құқығынан айырылды. Сот жәбірленуші қыздың азаматтық талап-арызын толық қанағаттандырып, сотталушылардан моральдық зиян ретінде 10 млн теңге өндіріп алынатын болды.
