824
Өзен тасыған кезде мұз кептелісін болдырмау үшін 15 наурызда Уәлиханов ауданындағы Сілеті өзенінің сағасында жарылыс жұмыстары жүргізілді, деп хабарлайды Qyzyljarnews.kz тілшісі.
Бұл жұмыстарды жергілікті атқарушы орган өкілдері, облыстық төтенше жағдайлар департаменті және Көкшетау қаласынан шақырылған «Көкше-БУР» серіктестігі қызметкерлері жүргізуде.
— Құтқарушылар жалпы 140 кг жарылғыш зат (петроген) қойды. Келісілген уақытта ол кезең – кезеңімен өзен арнасы бойынша 3 учаскеде, Қаратал және Қулыкөл ауылдарын қосатын жолдағы «Жыра» су өткізу қондырғысының маңында, Қулыкөл ауылынан 2 және 5 шақырым жерде мұз жарылды,- деді облыстық төтенше жағдайлар департаментінің мамандары.
