Қорғаныс министрлігі Бас штабының ақпараттық-түсіндіру тобы облысқа Қазақстан Қарулы Күштерінің құрылғанына 30 жыл толуы қарсаңында келді. Мамандар қорғаныс ведомоствосы өкілдерімен кездесіп, ерлік сабақтарын өткізді. Аталған іс-шараларға облыс әкімінің орынбасары Ғани Нығыметов қатысты, деп хабарлайды Qyzyljarnews.kz тілшісі.
Бас штабтың ақпараттық-түсіндіру тобы «Күшіміз – бірлікте», «Айбынды әскер» атты әскери-патриоттық акциялар аясында жастардың бойында патриоттық сезімді ояту мақсатында түрлі жиындар өткізді.
Алдымен Мәңгілік алауға гүл шоқтарын қойып, Отан үшін қасық қаны қалғанша күрескен ата-бабаларымыздың рухтарына тағзым етті. Сонымен қатар, Қарулы Күштердің әлеуетін көрсететін көрме де ұйымдастырылды. Шара соңы Қорғаныс министрлігі орталық ансамблі ұжымының патриоттық концертімен аяқталды. Ақпараттық-түсіндіру тобы мұндай кездесулердің республиканың басқа да облыстарында өткізуді жоспарлап отыр.
