Петропавл полицейлері күн сайын рейд жүргізіп, абаттандыру ережелерін бұзуға қатысты фактілерді анықтауда, деп хабарлайды Qyzyljarnews.kz тілшісі.
Наурыз айының өзінде Алматы, М.Жұмабаев, Н.Назарбаев көшелері бойындағы қоқысты уақытында шығарманы үшін мердігер ұйымдардың басшылары әкімшілік жауапкершілікке тартылды.
-Учаскелік полиция инспекторлары ПИК төрағаларымен түсіндіру жұмыстарын жүргізуде. «Солтүстік Қазақстан облысының қала және елді мекен аумақтарын абаттандыру ережелеріне» сәйкес жеке тұлғалар және кәсіпкерлік субъектілері өздеріне бекітілген аумақтарының санитарлық тазалығын өз күштерімен немесе шартқа отыру жолымен қамтамасыз етуге міндетті, — дейді Петропавл қалалық ПБ бастығының бірінші орныбасары Әлібек Ғабдуллин.
Жыл басынан аббаттандыру ережелерін сақтамағаны үшін Петропавлдың 1,5 мыңға жуық тұрғыны мен кәсіпкерлерге ескерту жасалды. Заңды өрескел бұзушылық жасаған 12 тұлғаға айыппұл салынды.
