Солтүстікқазақстандық полицейлер бұрын көлік жүргізу құқығынан айырылған екі мас жүргізушіні ұстады. Наурыздың 21-і күні түнгі сағат 12-лер шамасында Есіл ауданы Явленка ауылының 26 жастағы тұрғыны масаң күйде «Hyundai Terracan» автокөлігін тізгіндеген. Оның былтыр 5 жылға көлік жүргізу құқығынан айырылғаны анықталды, деп хабарлайды Qyzyljarnews.kz тілшісі.
24-наурыз күні таңертең Ойқала ауданында патрульдік полиция батальонының қызметкерлері мас күйде рөлге отырған тұрғынды тоқтатты. Оның Есірткі қолданғаны дәлелденді. Бұған қоса 35 жастағы петропавлдық былтыр 7 жылға көлік жүргізу құқығынан айырылған екен.
-Солтүстік Қазақстан облысының жолдарында жыл басынан бері 33 жол-көлік оқиғасы тіркеліп, 9 адам қаза тапты. 45 адам дене жарақатын алды. 14 мыңнан астам жол қозғалысы ережелерін бұзу фактілері анықталды. Сондай-ақ, полицейлер 201 мас жүргізушіні ұстады, — дейді СҚО ПД Жергілікті полиция қызметі басқармасының бастығы Айдын Байматов.
Istock иллюстрациялық фотосы
