Биылғы жылдың бірінші тоқсанында СҚО-да инфляция деңгейі 5% — ды құрады. Бұл туралы Ұлттық статистика бюросының департаменті мәлімдеді, деп хабарлайды Qyzyljarnews.kz тілшісі.
Азық — түлік тауарларының бағасы 8,7% — ға, азық-түлік емес тауарлардыкі 3,7% — ға өсті, ақылы қызметтер 1,1% — ға қымбаттады.
Әсіресе, пияз – 63%, қызылша – 37%, қырыққабат пен картоп – 12%-ға қымбаттады. Қант бір айдың ішінде 26%-ға шарықтап кетті. Аз ғана уақыттың ішінде солтүстікқазақстандықтар 30 тоннасын сатып алған.
Сонымен қатар, жоғары сұрыпты ұнның, кейбір жармалардың, сүт өнімдерінің, ет пен жұмыртқаның, алма, алмұрттың да құны қымбаттады.
Бірінші тоқсанда автомобильдер — 8%-ға, жууға және тазалауға арналған заттар — 3,7%-ға, киім мен аяқ киім 2,3%-ға өсті. Сұйылтылған газдың құны 16,8% — ға төмендеді. Пошта қызметтері 14% — ға қымбаттады. Тұрмыстық техниканы жөндеу бойынша қызметтердің құны 9,9% — ға, сақтандыру қызметтерінің құны 9,8% — ға өсті. Жеке көлік құралдарына техникалық қызмет көрсету және жөндеу 8,5% — ға қымбаттады.
Pexels иллюстрациялық фотосы
