Қазақстанның Ослодағы елшілігі Екінші дүниежүзілік соғыс жылдарында Норвегияда тұтқында қаза тапқан сарбаздардың жаңартылған тізімін жариялады. Құжатта 18 қазақстандықтың есімдері мен жерлеу орындары көрсетілген, деп хабарлайды Qyzyljarnews.kz тілшісі.
-Соңғы айларда қазақстандық 18 сарбаздың есімі мен жерленген жері анықталды. Қазақстандықтардың жалпы саны — 74 адам,-деп мәлімдеді Қазақстанның Норвегиядағы елшілігінің баспасөз қызметі.
Анықталғандай, сарбаздар Алматы мен Ақтөбе, Ақмола, Алматы, Шығыс Қазақстан, Жамбыл, Қызылорда, Солтүстік Қазақстан, Түркістан облыстарының тумалары мен осы өңірден әскерге шақырылғандар.
Әскери тұтқында қаза тапқан қазақстандықтардың арасында Михаил Николаевич Шевцов та бар. Ол 1911 жылы 17 қыркүйекте Петропавл қаласында дүниеге келген. Сарбаз 1941 жылы 8 шілдеде тұтқынға түсіп, сол жылы 2 желтоқсанда Шевцов қайтыс болған.
Елшілік бұл ақпарат сарбаздың ұрпақтарын, туыстары мен достарын табуға көмектеседі деген үмітте.
