Петропавл мен Омбы арасында әуе қатынасы жандануы мүмкін

Мемлекет басшысы Қасым-Жомарт Тоқаев Омбы облысының губернаторы Александр Бурковты қабылдады. Кездесу барысында Қазақстанның өңірлері мен Омбы арасындағы тікелей әуе қатынасын дамыту мәселесі талқыланды, деп хабарлайды Qyzyljarnews.kz тілшісі.

Қазіргі уақытта Петропавл, Алматы, Павлодар, Шымкент және Ақтаудан Омбы қаласына тікелей рейстер туралы келіссөздер жүргізіліп жатыр.

Александр Бурков Омбы–Нұр-Сұлтан бағытындағы тікелей рейстер үлкен сұранысқа ие екенін айтты. Болашақта осы бағытта күн сайын қатынауды қамтамасыз ету жоспары бар.