СҚО-да инфекциялық стационардан соңғы науқас шығарылды

Облыстық санитарлық-эпидемиологиялық бақылау департаменті инфекциялық стационардан коронавируспен ауырған соңғы солтүстікқазақстандық тұрғынның шығарылғанын айтты, деп хабарлайды Qyzyljarnews.kz тілшісі.

Қазіргі уақытта екі солтүстікқазақстандық амбулаторлық ем қабылдауда.

Алайда, солтүстікқазақстандық дәрігерлер босаңсуға әлі ерте екенін ескертеді. Қауіпті індетті жеңу үшін екпе салдырып, санитарлық талаптарды сақтаған жөн.

Ал ковидтік стационарлардың босауына байланысты енді барлық күш денсаулық сақтау саласында қордаланып қалған  өзге мәселелерді шешуге жұмылдырылады.