Былтыр облыста 12095 адам зейнетақы қорындағы шекті мөлшерден асқан соманы пайдаланған. Ал биыл 14867 тұрғын бірнеше жыл жинаған ақшасын қажетіне жұмсады, деп хабарлайды Qyzyljarnews.kz тілшісі.
3,5 ай ішінде 16892 адам тұрғын үй жағдайын жақсартуға өтініш жазыпты.
-Солтүстікқазақстандықтар тұрғын үй жағдайын ғана жалпы сомасы 30,5 млрд теңгені пайдалану үшін өтініш берді. Бұл барлық өтініштердің — 92 %-ы. Алайда тек 9,75 млрд теңгенің 12446 өтініші орындалды. Жалпы СҚО салымшыларының арнайы шоттарына 11,4 млрд теңге түсті. Қанағаттандырылған өтініштер саны – 14867, соның ішінде 28 адам 13 млн теңгесін инвестициялады, — дейді БЖЗҚ СҚО филиалының бөлім басшысы Ғалия Мұқанова.
Биыл СҚО тұрғындарынан 17 мыңға жуық өтініш түссе, былтыр жыл бойына 16 мыңнан астам тұрғын зейнетақы қорындағы қолжетімді соманы пайдаланбақ болған.
-Өтініштердің 95,49 %-ы, яғни 14637-сі – тұрғын үй жағдайын жақсартуға, 3 %-ы — 1629-ы – емделуге және 95-і қолжетімді соманы инвестициялық портфельді басқарушыларға аудармақ болды. Жалпы сома 43,3 млрд теңгені құрады. Бірақ 12095 адамның ғана өтініші қанағаттандырылды. Осылайша олар 19,3 млрд теңгені қалауы бойынша жұмсады, — дейді Ғалия Мұқанова.
Фото: ашық дереккөздерден
