Жыл басынан бері облыста қараусыз қалған 1,1 мыңнан мал астам арнайы «айыппұл тұрағына» қамалды, деп хабарлайды Qyzyljarnews.kz тілшісі.
Полиция департаментінің баспасөз қызметі малды еркін қоя берген адамдарға қатысты 2020 жылы әкімшілік жауапкершілік енгізілгенін еске салады.
— Учаскелік инспекторлар тұрғындармен кездесу барысында малды қараусыз, емін-еркін жіберуге болмайтынын ескертеді. Егер де далада иесіз жүрген мал болса, онда арнайы қораларға қамалады. Облыста 230 «айып тұрағы» бар. Иесі анықталғанша дейін босатылмайды. Жыл басынан бері 320 тұрғын әкімшілік жауапкершілікке тартылды, — деді жергілікті полиция қызметі басқармасының бастығы Айдын Байматов.
Биыл облыс жолдарында қараусыз жүрген малдың кесірінен 3 көлік апаты тіркелді. Оқыс оқиғалардың алдын алу үшін жолдың қауіпті деген учаскелеріне жылқы мен сиырдың 27 макеті орнатылды.
