Солтүстікқазақстандық құтқарушылар өңірлік орталық коммуникациялар қызметі алаңында өткен брифингте қазіргі ахуал жайында баяндады, деп хабарлайды Qyzyljarnews.kz тілшісі.
Облыс аумағында 4-сәуірден бастап өрт қауіпті кезең басталды. Оқыс оқиғалардың алдын алу үшін 44 мобильді топ құрылды.
⠀- Олардың құрамына азаматтық қорғаныс, ішкі істер, жергілікті атқарушы органдардың, орман мекемелерінің қызметкерлері және басқа да мүдделі мекеме өкілдері кірді, құрамында 240-тан астам адам бар. Аталған топтар қазірдің өзінде 170 рейд өткізіп, 70 ереже бұзу фактісін анықтап, әкімшілік хаттамалар толтырылды, айыппұлдар сомасы бір миллионн теңгеден асты, — деді облыстық ТЖД бастығының орынбасары Дмитрий Растихин.
Құтқарушылар мамыр мерекелері қарсаңында ауа райының жауын-шашынсыз болатынын еске салып, қоқыс және басқа да заттарды өртеуге қатаң тиым салынатынын ескертті.
