580
Петропавлда жауын мен дауылға қарамастан Қазақстан халқының бірлігі күніне арналған мерекелік шара өтті, деп хабарлайды Qyzyjarnews.kz тілшісі.
Бүгін қала әкімдігі алдында мерекенің лебі есіп тұрды. Облыстың шығармашылық ұжымдары көрермендерге Қазақстанды мекендейтін түрлі ұлттардың биін билеп, әнін шырқады. Өкінішке қарай, жаңбырдың үдеуіне байланысты жоспарланған көрме өткізілген жоқ. Дегенмен, мерекелік іс-шаралардың басым бөлігі балаларға арналды. Аниматорлар қызықты ойындар ұйымдастырып, жеткіншектерге тәтті сыйлықтар үлестірді.
Сондай-ақ, арнайы шатырлар тігіліп, қонақтарға тағамдар мен ыстық сусындар ұсынылды.
