СҚО-да әлеуметтік маңызы бар бағыттар тізімін 132-ге дейін ұлғайту ұсынылды. Тиісті қаулы жобасы ашық нормативтік-құқықтық актілердің сайтында орналастырылған, деп хабарлайды Qyzyljarnews.kz тілшісі.
Құжатқа сәйкес, тізімге облыс және ауданішілік, қалалық, қала маңындағы бағыттар енді. Өткен жылы 126 бағыт әлеуметтік маңыздылар санатына енген болатын.
Ұсыныс берушілердің ақпараты бойынша, тізім «тарифтердің қолжетімді болуы және Солтүстік Қазақстан облысының аумағында тұрғындардың еркін жүріп-тұру мүмкіндігін қамтамасыз ету» үшін кеңейтілді. Петропавлда 13 саяжай, 11 қала маңындағы және 20 қалалық автобус қатынасы субсидияланады. Тұрғындармен кездесуде Болат Жұмабеков саяжайшыларға маршруттарды субсидиялауға және автобустардың қозғалыс кестесіндегі мәселені шешуге уәде берді.
Фото ашық дереккөздерден.
