316
Өз өлкесінің ластанғанына бей-жай қарамайтын жастар Есіл өзенінің жағасындағы қоқысты жинауға кірісті. Бұл жолы Солтүстік Қазақстан университетінің студенттері экологиялық акцияға белсене кірісті, деп хабарлайды Qyzyljarnews.kz тілшісі.
— Бүгінгі акцияның негізгі мақсаты-жағалауды тазарту ғана емес, сонымен қатар қоқысты сұрыптау. Яғни, қайта өңдеуге жататындары мен полигонға жіберетіндерді бөлек жинау. Қатты тұрмыстық қалдықтарды қайта өңдейтін кәсіпорындарға береді, олар оны кәдеге жаратады, — дейді облыстық экология департаментінің басшысы Азамат Бектасов.
Мамандардың айтуынша, пластиктен әзірленген заттар жойылуы үшін 500-ден 1000 жылға дейін уақыт керек. Жалпы акцияға 50 адам қатысты.
