Президент Жарлығымен Екінші дүниежүзілік соғыста ерлік көрсеткен үш майдангер марапатталды, деп хабарлайды Qyzyljarnews.kz тілшісі Ақорданың ресми сайтына сілтеме жасап.
«1941-1945 жылдардағы Ұлы Отан соғысында көрсеткен ерлігі мен қаһармандығы үшін жоғары дәрежелі ерекшелік белгісі – «Халық қаһарманы» атағы, айрықша ерекшелік белгісі – Алтын жұлдыз бен «Отан» ордені 8-ші гвардиялық Қызылтулы атқыштар дивизиясы 302-ші гвардия атқыштар полкі 2-ші атқыштар ротасының мергені Әбдібеков Төлеуғали Насырханұлына (қаза тапқан), 126-шы Горловка Қызылтулы атқыштар дивизиясы 690-шы атқыштар полкі 1-ші атқыштар батальонының командирі Несмиянов Александр Александровичке (қаза тапқан), 100-ші жеке атқыштар бригадасы атқыштар батальоны 2-ші бөлімшесінің мерген-бақылаушысы Сүлейменов Ыбырайымға (қаза тапқан) берілді», — делінген Жарлықта.
