Қазақстан Республикасының Білім және ғылым министрі Асхат Аймағамбетов өзінің Facebook-тағы парақшасында келесі жылдан бастап 9-сыныптан кейін ерекше үлгідегі аттестат иеленген, 10-11 сыныптардың барлық оқу тоқсаны бойынша «үздік» деген баға алған оқушылар «Алтын белгі» төсбелгісіне үміткер бола алатынын жазды, деп хабарлайды Qyzyljarnews.kz тілшісі.
Сондай-ақ «Алтын белгіге» ниетті талапкерлер НЗМ базасында математикадан емтихан тапсыруы керек. Министрдің айтуынша, бұл шара академиялық адалдықты қамтамасыз ету үшін қабылданғанын түсіну маңызды.
-Былтыр «Алтын белгі» алғандардың кейбірі ҰБТ-дан төмен балл алды. Осыған байланысты үміткерлерді үздік белгіге объективті және ашық бағалау үшін емтихандардың бірі тәуелсіз білім беру ұйымында өтеді,-деді Асхат Аймағамбетов.
Фото: ашық дереккөздерден
