Петропавлдағы «ескі» аудандарды көркейту мақсатында «Жаңа Қала» бағдарламасы әзірленді

Авторы: Qyzyljar News

Қазақстан Республикасы Үкіметінің 2019 жылғы 31 желтоқсандағы №1054 қаулысымен бекітілген 2020-2025 жылдарға арналған тұрғын үй-коммуналдық шаруашылығын дамытудың «Нұрлы жер» мемлекеттік бағдарламасын орындау шеңберінде Петропавл қаласындағы «ескі» аудандарды кешенді қайта жаңарту үшін «Жаңа Қала» бағдарламасы әзірленді, деп хабарлайды Qyzyljarnews.kz тілшісі.

Реновация бағдарламасы бойынша уәкілетті орган тозығы жеткен тұрғын үйлердің саны мен орналасуы, инженерлік коммуникациялармен қамтамасыз ету мүмкіндігі, Петропавл қаласының бас жоспарына сәйкестігі туралы мәліметтерді дайындайды.

Тұрғын үй қорын реновациялау жобаларын қаржыландыру жергілікті бюджет және төмендегі тізім есебінен жүзеге асырылуы мүмкін:
1) жеке инвестициялар тарту, оның ішінде мемлекеттік-жекеменшік әріптестік тетіктері арқылы;
2) екінші деңгейдегі банктердің қарыздары;
3) квазимемлекеттік сектор субъектілерінің қаражатын тарту;
4) Реновация бағдарламасы бойынша жобаларды іске асыру барысында тұрғын және тұрғын емес үй-жайларды сатудан түсетін кірістер.

Баспанасы ескірген үй иесі уәкілетті органға өтініш беріп, келесі құжаттарды ұсынуы керек:
1) жеке куәліктің көшірмесі;
2) тұрғын үйге құқық белгілейтін құжаттар (жер актісі, техникалық паспорт, меншік құқығын куәландыратын құжаттар);
3) мамандандырылған ұйымның тұрғын үйдің техникалық жай-күйі туралы қорытындысы;
4) коммуналдық қызметтерге, ПИК қызметтеріне, қоқысты шығару (болған жағдайда) бойынша берешектің барлық түрлерінің жоқ екендігі туралы анықтама;

Тұрғын үй-жайлардың меншік иелеріне ауданы бойынша бірдей мөлшерде жаңа пәтерлер беріледі. Көппәтерлі тұрғын үйдегі тең мағыналы үй-жайдың орнына Реновация бағдарламасына енгізілген үй-жайдың меншік иесі сатылатын мүліктің құнынан ақшалай немесе заттай нысанда тең бағалы өтем алуға құқылы. Бұл ретте құны тең өтем мөлшері Қазақстан Республикасының қолданыстағы заңнамасына сәйкес айқындалады.

Фото: Qyzyljarnews.kz / Талғат Тәнібаев 

Ұқсас жаңалықтар

Қазақстан Республикасы Ақпарат және қоғамдық даму министрлігі Ақпарат комитетінде 2022 жылғы 20 қаңтарда тіркеліп, №KZ76VPY00045027 куәлігі берілген.

Меншік иесі:  

СҚО әкімдігінің «Қызылжар-Ақпарат» ЖШС.

Яндекс.Метрика

Директор —

Ербақыт Амантайұлы

Сайттың бас редакторы —

Аманжол Нұртазин, aman_nurtazin@mail.ru

Тілші:

Мадина Нуркина, +77057396494, Nurkinamad@mail.ru

SMM-менеджер:

Айжана Шайкенова,

+77782191267

nadyasaf070@gmail.com

@2022 — Designed and Developed by qyzyljarnews.kz