Солтүстік Қазақстан облысында 2020 жылғы құс тұмауынан кейін фабрикалар мен тұрғындарға 960 млн теңге өтемақы төленді. Бұл туралы бүгін Үкімет отырысында Премьер-Министр Әлихан Смайыловтың сауалына жауап берген өңір басшысы Құмар Ақсақалов айтты. Облыс әкімінің айтуынша, 2020 жылдың күзінде жоғары потагенді құс тұмауының өршуіне байланысты 3 фабрикадағы құстар түгел жойылған, деп хабарлайды Qyzyljarnews.kz тілшісі.
-Құс фабрикалары мен тұрғындарға 960 млн теңге өтемақы берілді. Қазір құс тұмауынан зардап шеккен 2 құс фабрикасы жағдайды толық қалпына келтіріп, штаттық режімде жұмыс істеп жатыр. 4 айда 188 млн дана жұмыртқа өндірілді, былтырғы кезеңмен салыстырғанда 2,6 есеге көп. 2022 жылдың қорытындысын 126 пайыз өсіммен аяқтаймыз деген жоспарымыз бар, — деді облыс басшысы.
