Биыл Солтүстік Қазақстан облысында соңғы қоңырау мерекесі дәстүрлі форматта ұйымдастырылады, деп хабарлайды Qyzyljarnews.kz тілшісі.
Түлектерге аттестат табыстау рәсімі маусымның 16-17-сы күндері өткізіледі. Іс-шараға мектептің педагогикалық ұжымы, түлектер, түлектердің ата-анасы, еңбек ардагерлері, қамқоршылық кеңесінің мүшелері, патронаттық ұйым өкілдері, жергілікті атқарушы органдар қатыса алады.
-Соңғы қоңырау, аттестат тапсыру шараларына аниматорларды шақыруға, мерекелік агенттіктердің, жеке студиялардың көмегімен ақы төлеу арқылы өткізуге тыйым салынады. Мерекелік дастархан жаюға рұқсат жоқ. Автокөліктерді жалға алып, қала-аудан бойынша экскурсия өткізуге, мектеп әкімшілігі мен педагогтарға сыйлыққа ақшалай қаражат жинауға, ойын-сауық мекемелерінде оқу бітіру кештерін ұйымдастыруға тыйым салынады, — деді Нәзір Жәшібеков.
Pexels иллюстрациялық фотосы
