СҚО-да 26 -мамырдан бастап жазғы мектептер жұмысқа кіріседі. Оқушылар маусымның 17-сіне дейін білім алатын болады. Облыстық білім басқармасының басшысы Нәзір Жәшібековтің айтуынша, жазғы мектепке барлық оқушылардың қатысқаны дұрыс, деп хабарлайды Qyzyljarnews.kz тілшісі.
-Биылғы оқу жылында оқушылар мен мұғалімдердің бірқатары COVID-19 дертімен ауырып, балалар біресе қашықтан, біресе дәстүрлі режімде білім алды. Сол себепті, кейбір тақырыптарды толықтай меңгере алмағаны жасырын емес. Енді ұйымдастырылатын жазғы мектеп кезінде мұның орны толады деген үміттеміз,-деді Нәзір Жәшібеков.
Мектептегі сабақтар негізгі пәндер бойынша өтеді. Оқушыларға баға қойылмайды, үй тапсырмасы да берілмейді.Сабақтарды қызықты етіп өткізу үшін экскурсиялар, ойындар мен танымдық іс-шаралар ұйымдастырылмақ.
Pexels иллюстрациялық фотосы
