Уәлиханов ауданындағы Кішкенекөл ауылының тұрғындарының айтуынша, ауданда дәрігер тапшы. Бұл мәселе өңір жетекшісі Құмар Ақсақаловтың елді мекен азаматтарымен кездесуі барысында айтылды, деп хабарлайды Qyzyljarnews.kz тілшісі.
Кішкенекөлдегі тұрғындар перзентхана салу қажеттігін айтады.
– Кішкенекөлдегі ауруханада жас аналарға, жүкті әйелдерге барлық жағдай жасалған. Біздің ауданда анестезиолог-ревматолог дәрігерлер жоқтың қасы. Кішкенекөл облыс орталығынан алыс орналасқандықтан, біздің ауданға жұмыс істеуге құлшыныс танытып отырған мамандар аз, – деді Уәлиханов ауданының әкімі Қайрат Пішенбаев. Облыс әкімі Құмар Ақсақалов аудан басшылығы жұмыс істегісі келетін жас мамандарды баспана және көтермеақымен қамтамасыз ету қажеттігіне назар аударды.
