Қазақстан Республикасы Экология, геология және табиғи ресурстар министрлігі кәдеге жарату алымының жаңа ставкасы бойынша «Жасыл даму» АҚ-мен консультация өткізді, деп хабарлайды Qyzyljarnews.kz тілшісі.
Министрдің міндетін атқарушы сәуірдің 29-ы арнайы бұйрық шығарып, кәдеге жарату төлемінің ставкасын 50%-ға төмендетті. Аталған бұйрық 14 мамырдан бастап күшіне енді.
-14 мамырдан кейін бұрынғы мөлшерлеме бойынша утильалым төлеген жағдайда «Жасыл даму» АҚ қайта есептеу жүргізеді және Қазақстанның қолданыстағы заңнамасына сәйкес артық төленген соманы қайтарады. Дәйексіз ақпаратқа сенбей, күмәнді хаттарға жауап бермеуіңізді, тек ресми дереккөздер таратқан ақпаратқа назар аударуыңызды сұраймыз, — деп мәлімдеді етті министрлік өкілдері.
Еске сала кетейік, ақпанның соңында Үкімет утилизациялық алымның жаңа мөлшерін жариялады. Премьер-министрдің бірінші орынбасары Роман Склярдың айтуынша, барлық көлік түрі мен ауылшаруашылығы техникасы үшін утилизация алымы 50 пайызға төмендейді.
Фото: ашық дереккөздерден
