Азия чемпионатында велоспорттан Қазақстан құрамасы 20 медаль жеңіп алды. Қазақстандық кәсіби велошабандоз Александр Винокуров команданың өнеріне жақсы баға беріп, алдағы жоспарлары туралы айтты, деп хабарлайды Qyzyljarnews.kz тілшісі.
— Ерлер, әйелдер, жасөспірімдер, паралимпиадашылар – барлығы тиісті деңгейде жақсы өнер көрсетті. Біздің құрама 7 алтын, 8 күміс және 5 қола медаль иеленіп, рекорд орнатты. Қазақстанның велоспорттан Азияның көшбасшысы екенін тағы бір рет дәлелдеді. Әрине, мұның бәрі елімізде велоспортты қолдау мен дамытудың нәтижесі, сондай-ақ ұлттық құрамамыздың спортшылары үшін «Astana Qazaqstan Team» кәсіби велокомандасының құрамында әлемнің үздік шабандоздарымен қатар ең беделді халықаралық жарыстарда өнер көрсету мүмкіндігі. Біз келесі чемпионатқа дайындықты бастаймыз, — дейді Александр Винокуров.
Фото: ашық дереккөздерден
