1 маусымнан бастап Қазақстан Республикасының аумағы арқылы транзитпен өтетін алыс жолға қатынайтын пойыздар мен тіркемелі тікелей қатынайтын вагондар Петропавл станциясында тоқтайтын болады, деп хабарлайды Qyzyljarnews.kz тілшісі.
Петропавл станциясына дейін және одан әрі қарай билеттерді № 59/60 Новокузнецк – Кисловодск, № 97/98 Тында – Кисловодск, № 123/124 Новосибирск – Белгород, № 127/128 Красноярск – Адлер, № 203/204 Томск – Анапа, № 205/206 Иркутск – Анапа, № 269/270 Чита – Имеретинский курорты және басқа да пойыздардың жолаушылары сатып ала алады. Бұдан басқа, маусым айында қозғалыс кестесіне 2020 жылғы 16 наурыздан бастап қатынауы уақытша тоқтатылған «Қазақстан Темір Жолы «ҰК» АҚ қалыптасуының тағы 3 пойызы оралады: 2 маусымнан бастап – Қарағанды – Самара № 84/83, 3 маусымнан бастап – Қарағанды – Омбы № 145/146 және 6 маусымнан бастап –№ 113/114 Алматы– Қазан. 20 сәуірден бастап № 625/626 Атырау-Астрахань пойызы қайта жанданады.
Фото: ашық дереккөздерден
