Қорғаныс министрлігі Зейнетақы орталығының басшысы Қайыржан Бимолдин Қазақстандағы әскери қызметкерлердің зейнет жасы ұлғаятынын айтты, деп хабарлайды Qyzyljarnews.kz тілшісі.
Қайыржан Бимолдин биыл әскери қызмет туралы заңға өзгертулер мен толықтырулар енгізіліп, қызмет мерзімін бес жылға дейін ұлғайту көзделгенін мәлімдеді.
-Зейнетақы мөлшері әскери қызметшінің еңбек өтіліне тікелей байланысты. Егер әскери қызметші 25 жыл қызмет өткерген болса, онда оған ең төменгі зейнетақы 50 пайыз, қызмет өткеру мерзіміне қарай ең көбі 65 пайыз көлемінде белгіленеді. Мысал үшін, 25 жыл 50 пайыз болса, 25 жастан асқан әрбір еңбек өтілі үшін зейнетақыға 2 пайыз қосылады, яғни 30 жыл қызмет еткен сарбазға қазірдің өзінде 60 пайыз төленеді, — деді ведомство өкілі.
Фото: ашық дереккөздерден
