298
Петропавлдықтар дайын құжаттарды ХҚКО-дан жеткізуге тапсырыс бере алады. Халыққа қызмет көрсету орталықтарында жаңа қызмет түрі іске қосылды. Үйге жеткізу қызметі анықтамалар мен құжаттардың 150 түрі бойынша қолжетімді, деп хабарлайды Qyzyljarnews.kz тілшісі.
Бұрын тапсырыс берілген құжат дайын болған сәтте клиентке жеткізу сервисін пайдалану туралы SMS-хабарлама келеді. Келіскен жағдайда клиент жеке сілтеме бойынша өтіп, мекенжайын толтырады. Бұдан әрі қала шегінде жеткізу құнын төлеу қажет. Жеткізу құны — 970 теңге. Курьер поштаны тапсырыс берілген сәттен бастап бір жұмыс күні ішінде әкеліп береді. Бұл қызметті Петропавл қаласының №1, №2,№3 ХҚКО бөлімшелерінде пайдалануға болады.
Фото ашық дереккөздерден.
