Белгілі актриса Самал Есләмова конституциялық құқығын пайдаланып, № 595 референдум учаскесінде дауыс берді, деп хабарлайды Qyzyljarnews.kz тілшісі.
Петропавлдағы балалар мен жасөспірімдердің шығармашылығы орталығында орналасқан № 595 референдум учаскесінде белгілі актриса, Канн фестивалінің үздігі атанған Самал Есләмова дауыс берді. Солтүстік Қазақстан облысы Аралағаш ауылының тумасы бұл жолы да таңдауын туған жерінде жасады. Сол үшін астанадан арнайы келген.
-Адам баласы болған соң жақсылық күтеміз, үмітіміз зор. Конституциялық түзетулердің жалпы негізгі идеясы – мемлекеттік құрылыс нысанын өзгерту ғой. Болашаққа сенімім зор, өмір сүру деңгейі тек жақсара түседі деп ойлаймын. Ол үшін әр қазақстандық та жұмыс істеуі керек, — дейді Самал Есләмова.
Фото: ашық дереккөздерден.
