441
Якорь елді мекенінде 20 жылдан кейін ескірген су құбырларын ауыстыру жұмыстары басталды, деп хабарлайды Qyzyljarnews.kz тілшісі.
2 мыңнан астам тұрғыны бар Якорь елді мекеніндегі су құбырларының әбден тозығы жетіп, ескірген. Сол себепті, су сағат 16.00-ден 23.00-ге дейін ғана беріледі.
-Құбырларды тот басқан, су сап-сары. Әбден тозығы жеткендіктен қуаты шамалы, тәулік бойы қоса алмаймыз. Шіріген құбырлар бірден жарыла бастайды, — дейді Якорь ауылдық округінің әкімі Валерий Тихий.
Енді бұл мәселе біртіндеп шешімін таппақ. Ауылда 12 шақырым су құбыры жаңадан тартылады. Бұл жобаға республикалық және облыстық бюджеттен 463 млн теңге бөлінген. Жоспар бойынша ендігі жылы Якорь ауылының тұрғындары таза суға қол жеткізбек.
Фото: ашық дереккөздерден
