СҚО бойынша ҚАЖД ЕС-164/8 мекемесінің қызметкерлері тыйым салынған заттарды өткізбек болған адамдардың жолын кесті, деп хабарлайды Qyzyljarnews.kz тілшісі.
Мекемеге телефон лақтырмақ болған азамат бейнекамералардың көмегімен анықталды. Дереу жедел-тергеу тобы шақырылды. Сотталғандарға арналған sim-карталар орнатылған «IPhone 6», «Huawei» маркалы 2 ұялы телефон тәркіленді.
СҚО Айыртау аудандық соты күдіктіні Қазақстан Республикасы ӘҚБтК-нің 481-бабының 1-бөлігінде көзделген әкімшілік құқық бұзушылық жасағаны үшін, яғни қылмыстық-атқару жүйесі мекемелерінде, арнайы мекемелерде ұсталатын адамдарға тыйым салынған заттарды, бұйымдар мен заттарды беру фактісі бойынша кінәлі деп таныды.
-Бұл СҚО-дағы түзету мекемелерінің аумағына тыйым салынған заттарды жіберуге әрекет жасаудың осымен 2 фактісі. Мекеме аумағына тыйым салынған заттар өткізбек болғандар Қазақстан Республикасы ӘҚБтК-нің 481-бабы бойынша әкімшілік жауапкершілікке тартылатынын еске саламыз. Әкімшілік құқық бұзушылық жасаудың құралы не нысанасы болған затты тәркілей отырып, ескерту жасауға немесе 10 айлық есептік көрсеткіш мөлшерінде айыппұл салуға әкеп соғады, — СҚО бойынша ҚАЖД бастығы Рустан Ахметжанов.
Фото: ашық дереккөздерден
