Қазақстан Республикасының Білім және ғылым министрлігі оқу-ағарту министрлігі және жоғары білім министрлігі болып екіге бөлінді, деп хабарлайды Qyzyljarnews.kz тілшісі.
Президент Қасым-Жомарт Тоқаевтың «Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы» 11 маусымда жарияланған жарлығымен екі министрлік болып бөлінді. Жарлықта оқу-ағарту министрлігі мектепке дейінгі, орта, техникалық және кәсіптік, орта білімнен кейінгі білім беру, қосымша білім беру, балалардың құқықтарын қорғаумен айналысады деп жазылған.
Жоғары және жоғары оқу орнынан кейінгі білім беру, тіл саясаты, ғылым, жоғары және жоғары оқу орнынан кейінгі білім беру мен ғылым саласындағы сапаны қамтамасыз ету, жоғары және жоғары оқу орнынан кейінгі білім беруді цифрландыру саласындағы функциялары мен өкілеттіктер Ғылым және жоғары білім министрлігіне берілді.
Фото: ашық дереккөздерден
