Қазақстан Ұлттық банкінің төрағасы Ғалымжан Пірматов Үкімет отырысында мамыр айында зейнетақы активтерінің валюталық үлесін кемінде 30% деңгейінде ұстап тұру мақсатында БЖЗҚ үшін валюта нарығында 74,5 млн АҚШ доллары сатып алынғанын айтты, деп хабарлайды Qyzyljarnews.kz тілшісі.
— Ұлттық қордан республикалық бюджетке трансферттер бөлу үшін айдың басында 4 млн сатып алынды. Алдағы уақытта трансферттер Ұлттық қорға түсетін түсімдер есебінен қамтамасыз етілуіне байланысты Ұлттық қордың валюталық қаражатын айырбастау талап етілмеді, — деді Ұлттық банк төрағасы.
Ұлттық банк төрағасының айтуынша, биылғы мамырда жаһандық нарықтағы жағдай құбылмалы болып қала береді. Әлемдік экономика геосаяси тәуекелдер мен тұрақты жоғары инфляция аясында жұмыс істеп келеді.
Ұлттық банктің мәліметінше, халықаралық резервтер биылғы мамырдың соңында $86,5 млрд-ты құрады. Ұлттық банктің алтын-валюта активтері жыл басынан бері валюталық интервенциялар, екінші деңгейлі банк шоттарындағы қалдықтардың және сыртқы борыш бойынша төлемдердің есебінен $1,6 млрд-ақ төмендеп, $32,8 млрд болды.Ұлттық қордың активтері $53,8 млрд болды. Республикалық бюджетке 1,9 трлн теңге трансферт бөлу үшін биылғы 5 айда $2,3 млрд-қа валюталық активтер сатылды.
Фото: ашық дереккөздерден
