Петропавлда олимпиада резервінің мамандандырылған мектеп-интернат-колледжінің студенттеріне арналған 244 орындық жаңа жатақхананың құрылысы жүріп жатыр, деп хабарлайды Qyzyljarnews.kz тілшісі.
2019 жылы ашылған колледжде 99 студент білім алуда. Халықаралық дәрежедегі спорт шеберлері, паралимпиада ойындарының қатысушылары, әлем чемпионаттарының жүлдегерлері және басқа да талантты спортшылар қазір осында оқиды.
— Орын жетіспеушілігі мәселесін шешу үшін биыл колледж студенттеріне арналған жатақхана құрылысы басталды. 9-қабатты ғимараттағы орын 244 адамға арналған, бұл оқу орнының қажеттілігін толығымен жабады, ал студенттер енді интернатта тұруға немесе баспана жалдауға мәжбүр болмайды. Айта кетейік, жатақханада тұру толығымен тегін болады,- дейді олимпиада резервінің мамандандырылған мектеп-интернат-колледжі директорының орынбасары Ольга Остафейчук.
Қазіргі уақытта ғимараттың сегізінші қабат салынуда, сантехникалық жұмыстар, қабырғаларды монтаждау жүргізілуде. Жуырда нысанға электр энергиясы тартыла бастайды. Жалпы алғанда, жұмыстардың жартысы аяқталды.
— Жатақханаға салынған инвестиция сомасы бір млрд теңгеден асады. Мердігер тек қазақстандық материалдарды қана пайдаланады. Жоспар бойынша 2023 жылдың басында құрылысты аяқтаймыз, — деді жоба жетекшісі Берік Сәкенов.
Pexels иллюстрациялық фотосы.
