Kozybayev Universitу студенттері Қызылжар ауданына қарасты Долматово ауылының маңында археологиялық қазба жұмыстарын жүргізуде, деп хабарлайды Qyzyljarnews.kz тілшісі.
2,5 мың жылдық тарихы бар Ақ-Ирий қалашығы алғаш рет зерттеліп отырған жоқ. Ескерткіштер ерте темір дәуіріне жатады. Нақтырақ айтсақ, біздің заманымызға дейінгі 5-ші ғасырға тиесілі орын.
– «Ақ» деген ақ түс, ал «Ирий» иран тілінен аударғанда «жұмақ» дегенді білдіреді. Осылай деп аталу себебі, бұл жер кезінде өте жайлы әрі таза қоныс болған. Қалашық жақсы ойластырылып салынған және 3 жағы жар. Яғни, жау басып кіре алмайтындай орында тұрғызылған. Оны 1968-шы жылы тауып, 2004 жылы қаза бастадық. Бұл – өте сирек кездесетін орын. Қазіргі күні бұл жерден пештің өзге де түрлерін тауып жатырмыз. Оны не үшін пайдаланғандарын алдағы уақытта анықтаймыз, — дейді археологиялық экспедиция жетекшісі Анатолий Плешаков.
Фото: skolib.kz
