«Агро Қызылжар 2022» көрмесіне ауыл шаруашылығы саласында тер төгетін жандарға арналған саланы цифрландыруға қажетті жабдықтар, ауыл шаруашылығы техникасы, тыңайтқыштар мен зиянкестерге қарсы дәрі-дәрмек сынды тауарлар сатылды, деп хабарлайды Qyzyljarnews.kz тілшісі.
Аталған шараға Солтүстік Қазақстан, Ақмола, Қостанай облыстары мен Нұр-Сұлтан қаласының компаниялары қатысып, түрлі техника мен минералды тыңайтқыштарды ұсынды.
— Жалпы, осындай көрмені әр өңірде өткізуді жоспарлап отырмыз. Осы жылдың наурыз айында Қостанай қаласында ұйымдастырылды. Біздің басты мақсатымыз елімізде ауыл шаруашылығымен айналысып, экономикамыздың дамуына үлкен үлес қосып жүрген азаматтардың басын біріктіріп, оларға өзара тәжірибе алмасу үшін арнайы алаң құру, — дейді ауыл шаруашылығы көрмелерін ұйымдастырушы Ләйлім Әбдірахманова.
Фото Qyzyljarnews.kz / Талғат Тәнібаев
